Nguāi Muōng Gōng Nṳ̄ Muōng Tiăng

關於部落格
我罔講汝罔聽A blog in Romanized Foochowese and more...
  • 1105

    累積人氣

  • 0

    今日人氣

    0

    訂閱人氣

有拍算搬厝

Nguāi diŏh MSN Spaces lā̤ gó ô siŏh găng duâi chuó, miàng hô̤ "Linguistics Paradise", nṳ̄ kō̤-nèng ô kó̤. Nguāi găh hī-bèng sāi Huà-ngṳ̄ gâe̤ng Ĭng-ngṳ̄ siā nĭk-gé (cuō-iéu sê ké̤ṳk bō̤-hô ngṳ̄-ngiòng sĕng-tái siŏng-guăng). Dáng-sê, iù siông gá nguŏk-nĭk gì "Ăng-tá̤ Sê̤ṳ-giông", nguāi sĭk-câi ché̤ṳ cĭng lāu Gê̤ṳng-sāng-giāng gì sià-áuk nguòng-dā̤ gâe̤ng MSNtō̤-lêng-pă. Siōng lì siōng kó̤, nguāi gó sê páh-sáung buăng chuó. Bók-guó mâ̤ báik MSN Spaces ciōng hâ-diòng dóng-áng, sō̤-ī gì-nĭk gó muôi káuk-dêng. Iŏk-guō cĭng-gì buăng chuó, nguāi â̤ lì Lŏk-dŏ̤. Lŏk-dŏ̤ cĭng-cĭng sê siŏh ciáh hō sū-câi: Ĭ ciĕ-tì cuō-nè̤ng cê-gă siék-dé iā puái-tàuCSS iòng-sék-biēu, ciĕ-tì dóng-áng bê-hông siông-tiòng, ciĕ-tì muôi cé̤ṳ-cháh gì nè̤ng-káh dĭh-ciék làu uâ, sêng-cé ciĕ-tì nè̤ng-káh sāi HTML ngṳ̄-huák li!我著 MSN Spaces 嚟故有蜀間大厝,名號“Linguistics Paradise”,汝可能有去。我洽許爿使華語共英語寫日記(主要是乞保護語言生態相關)。但是,由上個月日其“安替事件”,我實在覷真了共產囝其邪惡原底共 MSN托膦脬。想來想去,我故是拍算搬厝。不過賣仈 MSN Spaces 怎下傳檔案,所以期日故未確定。若果真其搬厝,我會來樂多。樂多真真是蜀隻好所在:伊支持主儂自家設置野派頭CSS 樣式表,支持檔案備份上傳,支持未註冊其儂客直接留話,甚至支持儂客使 HTML 語法哩!
Huák-hiéng siŏh ciáh iā gāng-dăng gì dô̤-lī: Cê̤ṳ-iù muōng sâ̤, sié-gái muōng cóng - mō̤-lâung sê uōng-lô sié-gái gó sê cĭng-sĭk sié-gái dŭ sê ciŏng-uâng. Gó-chṳ̄, céng-hū nâ ké̤ṳk ìng-mìng gâing sâ̤ gì cê̤ṳ-iù, nāng-gă gì siâ-huôi iá â̤ biéng li bô dŏ̤-ngiòng bô mī-lâ̤!發現蜀隻野簡單其道理:自由侈,世界——無論是網路世界故是真實世界都是縂款。故此,政府哪人民更侈其自由,咱家其社會亦會變得仅多元仅美麗!


【註】
托膦脬:tō̤-lêng-pă,阿諛奉承
派頭:氣派洋氣
罔……罔……:muōng... muōng...,越……越……
縂款:ciŏng-uâng,這樣
乞:ké̤ṳk,
相簿設定
標籤設定
相簿狀態