Nguāi Muōng Gōng Nṳ̄ Muōng Tiăng

關於部落格
我罔講汝罔聽A blog in Romanized Foochowese and more...
  • 1105

    累積人氣

  • 0

    今日人氣

    0

    訂閱人氣

我替我厝寫聯對

Sĭng-nièng gáu lāu! Dṳ̆ng-guók ô cī sâ̤ ngṳ̄-ngiòng, mò̤ gèng mò̤ ē, dŭ sê bìng-dēng gì, diê-nè̤ng gōng nâ ô Huà-ngṳ̄ kō̤-ī siā lièng-dó̤i? Mū-ngṳ̄ ng-sê Huà-ngṳ̄ gì bèng-iū, cà̤ lì sāi nṳ̄ gì mū-ngṳ̄ siā lièng-dó̤i, táik nṳ̄ muòng-chúi, châung-có̤ nāng-gă Dṳ̆ng-guók cĭng-ciáng gì dŏ̤-ngiòng ùng-huá! Nguāi sŏk-màng-buŏ ché gūi bék, siā siàng siŏh ăk. Buōng-dā̤ páh-sáung ŏ̤h Uŏk-nàng Nè̤ng hiŏng-uâng siā lò̤-mā-cê lièng-dó̤i, bók-guó huák-hiéng sṳ̀ gì diòng dē̤ṳ mâ̤ siŏh-iông, guái-guái gì, iā mâ̤ sĭk-guáng, gó-chṳ̄ sĕng lá̤e̤k-go̤.duâi-gă muōng káng lâ:

新年遘了!中國有只侈語言,無懸無矮,都是平等其,底儂講僅有華語可以寫聯對?母語伓是華語其朋友,齊來使汝其母語寫聯對,貼汝門喙,創造咱家中國真正其多元文化!我昨暝晡試幾筆,寫成蜀合。本底拍算學越南儂粉款寫羅馬字聯對,不過發現詞其長短賣蜀樣,怪怪其,野賣習慣,故此先罷去。大家罔看囇:

Săng Huōng Chék Háe̤ng, Ciòng Chuó Nâu Iĕk Giĕ Ông Măi;
Sĕ̤ng Ták Săng Săng, Gáuk Nè̤ng Huăng Hī Kĕng Ké Cài.
Huàng Piĕ: Giĕ Giĕ Kĕng Kēng.

三坊七巷,全厝閙熱
雙塔三山,各儂歡喜牽氣財。
橫批:羈雞牽犬。

GnùDoyng mièng-dáng kó̤ Chĭng-dáung lṳ̄-iù, â̤ liê-kūi uōng-lô gūi gĕ̤ng, gáu chĕ̤-ngô gái diōng Hók-ciŭ. Dāng sĕng găh cŭ-uái cé̤ṳk duâi-gă huăng-hī sáe̤ng giĕ-nièng, kēng-nièng téng duâi-cièng!

GnùDoyng 明旦去深圳旅遊,會離開網路幾工,遘初五轉福州。仱先洽租塊祝大家歡喜送雞年,犬年大錢!


【註】
本底:buōng-dā̤,原來
羈:giĕ,拴住
霾:măi,運氣壞
介:gái,
趁:téng,賺取
相簿設定
標籤設定
相簿狀態