Nguāi Muōng Gōng Nṳ̄ Muōng Tiăng

關於部落格
我罔講汝罔聽A blog in Romanized Foochowese and more...
  • 1105

    累積人氣

  • 0

    今日人氣

    0

    訂閱人氣

【講唱】TELL ME

Oh ngài ngài! Bô sê siŏh ciáh mò̤ mê gì dăng-sĭng pái-dó̤i
Cĭng chiông mò̤ nè̤ng chăng-gă nâ ô nguāi â̤ siōng kó̤
Mâ̤ siōng huá-ciŏng ng-sê ĭng-ôi ù sū-ôi
Nâ sê nguāi káng-giéng chṳ̆-niòng-giāng mâ̤ chói tié-lāu bùng
That's right, maybe that's why
Nguāi mò̤ nṳ̄-bèng-iū
Lâu gì tié-lāu giéu nguāi ng-tĕ̤ng gău kák sâ̤ nṳ̄-bèng-iū
Gău hō̤ gì nṳ̄-bèng-iū diē-nē̤ cī-māng sâung-chiū
Gĭ-huôi lì lāu cê̤ṳ-iòng cêu â̤ piéng gáu chiū
A party here, a party there
Sĭk-câi mâ̤ siōng gōng you man I'm here
Cĭng gì mâ̤ siōng găh cē̤-nē̤ uăk-uăk sêu-cô̤i
Ciŏk-dó̤i ng-sê dǎng qiè
Dĭ ciáh chṳ̆-niòng-giāng gâe̤ng nguāi káng dó̤i-ngāng?
Nàng-mông gó-sê̤ṳ năng-gă cà̤-cà̤ iēng
Ah-hah, ah-hah, ciā chiéu-uâ cĭng gì hō̤-chiéu
Piĕng-piĕng ciŏng-uâng măng-buŏ cêu sê cī-māng ciáng-hō̤!

噢呆呆!仅是蜀隻無味其單身派對
真像無儂參加僅有我會想去
賣想化妝伓是因為無所謂
僅是我看見諸娘囝賣喙剃了
That's right, maybe that's why
我無女朋友
老其剃了叫我伓通交恰侈女朋友
交好其女朋友底所只蠻順手
機會來了自然就會騙遘手
A party here, a party there
實在賣想講 you man I'm here
真其賣想洽即所活活受罪
絕對伓是膽怯
底隻諸娘囝共我看對眼?
難悶故事咱家齊齊演
啊哈,啊哈,者笑話真其好笑
偏偏縂款暝晡就是只蠻正好!

A̤, nṳ̄ giàng lì nguāi giàng kŭi
You walk by
Nṳ̄ kă̤-sié ciŏng-uâng mò̤ tiĕng-lī? Girl friend!
You'd better know that you fly
Nguāi mâ̤ chiông gì-tă dòng-buô-giāng táu-dā̤ cī-māng ngài
Nguāi méng è̤ng sĭng-tiéu hŭ-ké găh gă-sók
Cĭng gì ciōng có̤? Nguāi káng nguāi cī-nèng bāi-kók
Măng-buŏ dái tái-iòng-giáng bô giăng chiĕu sṳ̆k
Giù nṳ̄ hiéng-káik mā-siông huòi-tàu nguāi bō̤-céng diōng chió siăh só
Siŏng-séng mâ̤? Mò̤ iù nṳ̄ ô-gáu sìng-gì
Mĕk-ciŭ gì gău-huôi sāng-sĕng siŏh cṳ̄ng diêng-liù
Gōng sĭk-câi nguāi iâ mò̤ ciōng huôi-é
Diŏh nguāi ciōng gōng diŏh nguāi ciōng có̤ nṳ̄ ciáh â̤ huôi-é nguāi gì sĭng?
You'll be looking at me I'll be looking at you like a crazy fool!

呃,汝行來我行開
You walk by
汝溪势縂款無天理?Girl friend
You'd better know that you fly
我賣像其他唐部囝透底只蠻呆
我面紅心跳呼氣洽加速
真其怎做?我看我只能擺酷
暝晡戴太陽鏡仅驚超俗
求你現刻馬上回頭我保證轉厝食素
相信賣?無由汝有夠神奇
目睭其交會產生蜀種電流
講實在我也無怎會意
著我怎講著我怎做汝乍會會意我其心?
You'll be looking at me I'll be looking at you like a crazy fool!

Biēu-cṳ̄-giāng nṳ̄ dó̤-dā̤ gōng ng gōng?
Nṳ̄ bá nṳ̄ hó̤-gŏ̤ gōng có̤ cêu có̤!
Ciōng dṳ̆k gáu nṳ̄ dāng gó diŏh páh-sáung
Ciōng lì ciōng kó̤ ciōng có̤ ciáh hō̤?
Mò̤ ék-diâng ĭ mâ̤ siōng có̤ nṳ̄ nṳ̄-bèng-iū
Sê ĭ cê̤ṳ-iù
Siōng tiăng ĭng-ngŏk gṳ̄-chiū, OK, siŏh lâng săng!
Chiĕng-uâng ng-tĕ̤ng siōng hī-māng sâ̤
Chiū siŏh niéh kă siŏh chiák dāng kăi-sṳ̄ gōng
Mā-siông gáu lāu có̤i-âu gĭ-huôi cêu diŏh kāi kǒu
Ciŏng-uâng ciŏng-uâng hó̤-gŏ̤ ciŏk-dó̤i mâ̤ kó̤ shī shǒu
Páh páh nṳ̄ gì méng có̤ lâ zì wǒ jiè shào
Nguāi miàng Will, nṳ̄ miàng Jill, â̤ sāi mâ̤? Ī qǐ chill!
Sié-găng gì gĭ-huôi ék-buăng nâ ô săng miēu
Dāng dó̤-só săng miēu, cūng-bê hō̤ lāu muôi?
Ciā gāng-gáuk dó̤-dā̤ sê cĭng sê gā gâe̤ng nguāi gōng
Ng-tĕ̤ng sáung-găng chṳ̆ng-dông găh cē̤-nē̤ chó̤-guó!
婊子囝汝到底講伓講?
汝霸汝好高講做就做!
怎逐遘汝仱故著拍算
怎來怎去怎做乍好?
無一定伊賣想做汝女朋友
是伊自由
想聽音樂舉手,OK,蜀兩三!
千萬伓通想許蠻侈
手蜀捏骹蜀踩仱開始講
馬上遘了最後機會就著開口
縂款縂款好高絕對賣去失手
拍拍汝其面做囇自我介紹
我名 Will,汝名 Jill,會使賣?一起 chill
世間其機會一般僅有三秒
仱倒數三秒,準備好了未?
者感覺到底是真是假共我講
伓通瞬間衝動洽即所錯過!


【註】
諸娘囝,chṳ̆-niòng-giāng,女孩子
剃了,tié-lāu,一直不停地
唐部囝,dòng-buô-giāng,男孩子
轉厝,diōng chió,回家
目睭,mĕk-ciŭ,眼睛
相簿設定
標籤設定
相簿狀態