Nguāi Muōng Gōng Nṳ̄ Muōng Tiăng

關於部落格
我罔講汝罔聽A blog in Romanized Foochowese and more...
  • 1105

    累積人氣

  • 0

    今日人氣

    0

    訂閱人氣

生命之道

1, 2, 3a, 3b, 3c

Sié-nó̤h sê sĕng-miâng? Nṳ̄ nâ muôi nêng-cĭng siōng guó ciā ùng-dà̤, gióng-ngiê nū muōng tiăng siŏh tiăng. Ùng-giông ô nék-giāng duâi, sê Dìng Hĭ-cèng siĕng-sĕng găh Niū-iók ké̤ṳk Hók-ciŭ ì-mìng diòng-gōng <Séng Gĭng> gì lṳ̆k-īng. Ì-mìng Mī-guók gì Hók-ciŭ nè̤ng, ĭng-ôi duâi-buô-hông iù Lièng-gĕ̤ng, diòng-lŏk, Hók-chiăng hiŏng-â lì gì, buōng-dā̤ cêu mâ̤ báik tiăng iâ mâ̤ báik gōng Huà-ngṳ̄, gó-chṳ̄ gōng-dô̤ dŭ ô Bàng-uâ (Dòng Gióng-gĭ) huăng-ĭk.什乇是生命?汝哪未認真想過者問題,建議汝罔聼蜀聼。文件有仂囝大,是陳希曾先生洽紐約乞福州移民傳講《聖經》其錄影。移民米國其福州儂,因爲大部分由連江、長樂、福清鄉下來其,本底就賣仈聼亦賣仈講華語,故此講道都有平話(唐建基)翻譯。
Cĭng sâ̤ Hók-ciŭ nè̤ng găh Hók-ciŭ mâ̤ muāng-é, găk Mī-guók páh-piăng buáng-â-nĭk, cièng téng gáu lāu, giāng-sŏng diŏng-duâi lāu, gó sê mâ̤ muāng-é. Kă̤-sié? Siông-dá̤ gâe̤ng nāng-gă gōng: nāng-gă lì gáu ìng-găng, cêu sê dáik géu lāu. Bók-guó, mò̤-lâung sê Hók-ciŭ gó sê Niū-iók, dŭ ng-sê Tiĕng-dòng. Sié-găng cĭng gì ô Tiĕng-dòng mò̤? Dák-áng sê kēng-diâng gì: nāng-gă gì sĭng ké̤ṳk ái ké̤ṳk sìng-lìng chṳ̆ng-muāng gì sèng-hâiu, nāng-gă cêu dáik diŏh īng-sĕng, cêu gáu Tiĕng-dòng lāu.真侈福州儂洽福州賣滿意,洽米國拍拚半下日,錢趁遘了、囝孫長大了,故是賣滿意。溪勢?上帝共咱家講:咱家來遘人間,就是得救了。不過,無論是福州故是紐約,都伓是天堂。世間真其有天堂無?答案是肯定其:咱家其心乞愛乞神靈充滿其辰侯,咱家就會得著永生,就遘天堂了。

相簿設定
標籤設定
相簿狀態