Nguāi Muōng Gōng Nṳ̄ Muōng Tiăng

關於部落格
我罔講汝罔聽A blog in Romanized Foochowese and more...
  • 1105

    累積人氣

  • 0

    今日人氣

    0

    訂閱人氣

我先騗汝,汝介幫我

Cuòi sê siŏh dà̤ cĭng-sĭk gì gó-sê̤ṳ, găh Ĭng-guók Lùng-dŭng...嚽是蜀題真實其故事,洽英國倫敦……
Nê-kuàng-kuàng-ék nièng sĕk-nê nguŏk gì siŏh gĕ̤ng, siŏh ciáh Hók-gióng chĭng-nièng-gŏ̤ giàng diē siŏh găng lŭk-sṳ̆ sê̤ṳ-ô-sū, siōng chiāng lŭk-sṳ̆ bŏng ĭ hióng Ĭng-guók céng-hū sĭng-chīng "nâng-mìng bé-hô".二環環一年十二月其蜀工,蜀隻福建青年哥行裏蜀間律師事務所,想請律師幫伊向英國政府申請“難民庇護”。
Lŭk-sṳ̄ siŏh kăi chói cêu muóng: "Nṳ̄ găh Dṳ̆ng-guók, ô mò̤ sêu guó sié-nó̤h-kuāng gì páik-hâi?"律師蜀開喙就問:“汝洽中國,有無受過什乇款其迫害?”
Hók-gióng nè̤ng siŏh tiăng, gâng làu siŏh sĭng: "Mò̤ ah... Sê ng sê... Nâ ô sêu guó páik-hâi gì nè̤ng ciáh ô nièng-ngài sĭng-chīng nâng-mìng bé-hô?"福建儂蜀聽,汗流蜀身:“無啊……是伓是……僅有受過迫害其儂乍有年呆申請難民庇護?”
Lŭk-sṳ̄ éng ĭ: "Chiông gì-tă lì nguāi cē̤-nē̤ gì nè̤ng siŏh-iông, nguāi ô dĭh siŏh dà̤ nṳ̄ ké̤ṳk páik-hâi gì gó-sê̤ṳ, â̤ báik mâ̤?" Iòng-âu, lŭk-sṳ̆ kăi-sṳ̄ dàng-siăng, gâe̤ng ĭ gì gó-káh sióh ciōng-iông tà̤-gṳ̆ng "cŏ̤-sêu páik-hâi" gì buôi-gīng.律師應伊:“像其他來我即所其儂蜀樣,我有挃蜀題汝乞迫害其故事,會仈賣?”然後,律師開始彈聲,共伊其顧客怎樣提供“遭受迫害”其背景。
Hók-gióng nè̤ng sâng-sâng lā̤ sô̤i nék-gū, tàu ngiăh kī-lì, cháh-chói gōng: "Oh, nguāi â̤ huôi-é lāu. Nguāi diŏh sĕng biĕng-cô̤ siŏh ciáh gó-sê̤ṳ piéng nṳ̄, nṳ̄ gái dó̤i-chiū nguāi, ng-sê?"福建儂靜靜嚟坐仂久,頭起來,插喙講:“噢,我會會意了。我著先編造蜀隻故事騗汝,汝介對手我,伓是?”
"Hahaha, mò̤ dâng mò̤ dâng..." Chiéu-siăng ék-dĭk diòng gáu huông-dău...“哈哈哈,無誕無誕……”笑聲一直傳遘遠兜……

Frank Pieke <Kuá-Guók Huà-Ìng: Hók-Gióng Ì-Mìng găh Ĕu-ciŭ>

Frank Pieke 《跨國華人:福建移民洽歐洲》


【註】
彈聲:dàng-siăng,旁敲側擊暗示
說:sióh,解釋
搕:ngiăh,擡頭昂首
介:gái,
對手:dó̤i-chiū,幫助
相簿設定
標籤設定
相簿狀態